Madridning “Real” klubi futbolchilari Ispaniyadagi suv toshqinlari oqibatida jabrlanganlarga yordam berdi.
Oktyabr oyining oxirida Ispaniyaning janubi-sharqiga sovuq havo oqimi “Dana” to‘fonini va kuchli yomg‘irlarni olib keldi, bu esa kuchli suv toshqinlariga sabab bo‘ldi. Hodisa oqibatida halok bo‘lganlar soni 200 dan oshgani aytilmoqda. Madrid klubi suv toshqinida jabrlanganlar uchun 1 million yevro xayriya qilgani xabar qilingandi.
Cadena SER nashrining ma’lum qilishicha, “Real” futbolchilari ham yordam qo‘lini cho‘zgan. Ular bu haqida ommaga oshkor etishni istamagan.
Qayd etilishicha, Vinisius Junior ushbu g‘oyani ilgari surgan va qolgan futbolchilar uni qo‘llab-quvvatlagan.
Izoh (0)