Futbol bo‘yicha Ispaniya La Ligasining 36-turida “Real” 14-may, seshanba kuni “Alaves”ga qarshi bahs olib bordi.
Uchrashuvning 10-daqiqasida Jud Bellingem hisobni ochdi. 27-daqiqada Vinisius Junior o‘z nomiga gol yozdirib qo‘ydi. Bo‘lim so‘ngida esa Federiko Valverde hisobni yirik ko‘rinishga olib keldi.
Ikkinchi bo‘limda ham madridliklar raqibga bosimni pasaytirmadi. 70-daqiqaga kelib, Vinisius dublni rasmiylashtirdi. 81-daqiqada Arda Gyuler ham darvozani ishg‘ol qildi. Shu tariqa uchrashuv 5:0 hisobida “qaymoqranglilar”ning g‘alabasi bilan yakunlandi.
Ushbu g‘alabadan so‘ng La Ligaga chempionlikni rasmiylashtirgan “Real” ochkolarini 93 taga yetkazib qo‘ydi.
La Liga
36-tur
14-may, seshanba
“Real” — “Alaves” 5:0
Gollar: 1:0 – 10 Bellingem, 2:0 – 27 Vinisius Junior, 3:0 – 45+1 Valverde, 4:0 – 70 Vinisius Junior, 5:0 – 81 Gyuler.
“Real Madrid”: Kurtua, Karvaxal, Nacho, Militao (Ryudiger, 72), Mendi, Martin, Kroos (Sebalyos, 72), Valverde, Kamavinga (Gyuler, 62), Bellingem, Vinisius Junior, Rodrigo.
“Alaves”: Ovono, Gorosabel (Tenalya, 61), Abkar, Marin, Duarte, Sola (Alkain, 62), Hadji (Panichelli, 71), Antonio Blanko, Gevara (Guridi, 62), Rioxa, Omorodion (Rebbash, 78).
Ogohlantirishlar: Duarte (50), Vinisius Junior (52).
Izoh (0)