Madridning “Real” klubi Parijda bo‘lib o‘tadigan “Oltin to‘p” topshirish marosimida ishtirok etmaydi.
Marosimga madridliklardan Vinisius Junior, Jud Bellingem, Karlo Anchelotti hamda Florentino Peres taklif etilgandi. Biroq klub a’zolari Parijga boradigan reysini bekor qildi.
Bunga sabab Vinisius Juniorning “Oltin to‘p” olmasligi aniq bo‘lgani bo‘lishi mumkin. So‘nggi xabarlarga ko‘ra, braziliyalik vinger ushbu sovrinni olmaydi.
Jurnalist Xose Luis Sanchesning xabariga ko‘ra, “Manchester Siti” va Ispaniya terma jamoasi futbolchisi Rodri “Oltin to‘p” sohibiga aylanadi. Vinisius Junior 2-o‘rinni, Jud Bellingem esa 3-o‘rinni egallaydi.
Parijning “Shatle” teatrida bo‘lib o‘tadigan marosim Toshkent vaqti bilan 22:45 start olishi kutilmoqda
Izoh (0)