Parij shahrining “Shatle” teatrida 28-oktyabr, dushanba kuni “Oltin to‘p” topshirish marosimi bo‘lib o‘tdi.
“Real” vingeri Vinisius Junior ovoz berish natijalariga ko‘ra 2-o‘rinni egalladi. “Oltin to‘p” esa “Manchester Siti” yarim himoyachisi Rodriga topshirildi.
Braziliyalik futbolchi va “Real”ning boshqa a’zolari marosimda ishtirok etmadi.
Marosim yakunlangach, Vinisius Junior ijtimoiy tarmoqdagi sahifasida “Kerak bo‘lsa 10 karra kuchliroq harakat qilaman. Ular hali tayyor emas”, — deya yozib qoldirdi.
Reuters nashrining yozishicha, futbolchining atrofidagilar Vinisius bu gaplarni sovrinni ololmagani uchun emas, irqchilikka qarshi kurash ma’nosida yozgan deb tushuntirgan.
Vinining yaqinlari ushbu postni shunday ta’riflamoqda: “Futbol dunyosi tizimga qarshi kurashgan o‘yinchini qabul qilishga tayyor emas”.
Izoh (0)