Braziliya futbol konfederatsiyasi “Real” vingeri Vinisius Juniorni qo‘llab-quvvatladi.
Vini “Oltin to‘p” uchun nomzodlar orasida 2-o‘rinni egalladi. Sovrinni esa “Manchester Siti” yarim himoyachisi Rodri qo‘lga kiritdi.
Braziliyalik futbolchi va “Real”ning boshqa a’zolari shu sababli marosimda ishtirok etmadi.
“Vini, sen oltinsan. Biz har doim sen tarafdamiz. Butun xalq sen bilan faxrlanadi”, — deyiladi Braziliya futbol konfederatsiyasi xabarida.
Vinisius Junior o‘tgan mavsumda “Real” bilan birgalikda La Liga, Ispaniya Superkubogi va Chempionlar Ligasida g‘alaba qozongan. Shuningdek, Chempionlar Ligasi turnirining eng yaxshi futbolchisi bo‘lgan.
Izoh (0)