So‘nggi hafta ichida turk kino yulduzlari hayotida ko‘plab keskin o‘zgarishlar sodir bo‘ldi. Quyida mashhur aktyor va aktrisalar hozirda nimalar bilan band ekanligi bilan tanishamiz.
Pinar Deniz homiladorligi qanday o‘tayotgani haqida so‘zlab berdi
“Hukm” serialida bosh rolni ijro etgan aktrisa Pinar Deniz sentyabr oyida Kaan Yildirim bilan Italiyada turmush qurdi va juftlik tez orada farzand kutayotganini e’lon qildi. So‘ng aktrisa oilaviy kechki ovqat vaqtida o‘g‘il kutayotganini ma’lum qildi.
“Hozirda homiladorlik davrini zavq bilan o‘tkazmoqdaman. Endilikda barchasi haqida ochiq-oydin gapirishim mumkin. Biz o‘g‘il kutyapmiz va hozircha unga nima ism qo‘yishimiz haqida bilmaymiz Ushbu davrning birinchi uch oyi og‘ir o‘tdi, men ba’zi ovqatlarning hidini ko‘tara olmas edim. Hozirda hammasi joyida. Bu dunyodagi barcha onalar yuksak e’tirofga loyiq deb o‘ylayman”, dedi Pinar Deniz.
Hozirda hech qanday loyihaga qo‘l urmaganini ma’lum qilgan aktrisa bu dunyoga sog‘lom bolani dunyoga keltirish, unga g‘amxo'rlik qilish va undan keyingina ishga qaytish haqida o‘ylab ko‘rishini aytdi.
Kerem Bursinning yangi munosabatlari
“Qalbim eshigini qoq” seriali yulduzi Kerem Bursin Bloomberg kanalida namoyish etilgan Asli Dawn dasturining mehmoni bo‘ldi. Suhbat davomida Bursin o‘zining shaxsiy hayoti haqida ochiq bayonotlar berishi bilan muxlislarini lol qoldirdi.
Jurnalistning “Ijtimoiy tarmoqlarda nega faol emassiz?” degan savoliga Kerem quyidagicha javob berdi:
“Ijtimoiy tarmoqlarda o‘z-o‘zini ko‘z-ko‘z qilish va internetda hayotini yashab o‘tish men uchun narsistik va kulgili ish. Ijtimoiy tarmoqlar insonlarning kundalik hayotiga katta ta’sir qiladi. Men esa internetga ko‘p vaqt sarflashlarini istamayman”, dedi u.
“Siz romantikmisiz?” degan savolga javoban: “Masalan men yozishni yaxshi ko‘raman, ko‘p dam olmayman va doim mehnatdaman. Karyeraga katta e’tibor qaratishim, menimcha, munosabatlardagi eng katta muammom bo‘lgan” dedi aktyor.
Hozirda Kerem Bursin Din Sabanjining nabirasi Melisa Sabanji Tapan bilan uchrashmoqda. Bu haqda aktyor shaxsan o‘zi ma’lum qildi:
“Men uchun munosabatlardan izlagan va kutilgan narsa bu biror yangilikdir. Hozirda Melisa bilan baxtliman, munosabatlarimiz esa juda tez va ajoyib tarzda boshlandi”, dedi Bursin.
Evrim Alasya hamkasbi Kerem Alishik bilan birga
Birsen Altuntashning so‘zlariga ko‘ra, Evrim Alasya va Kerem Alishik o‘rtasidagi munosabatlar jiddiy. “Qizil sharbat” serialidagi Kiviljim obrazi bilan tanilgan Evrim Alasya “Sevgi tugashi mumkinmi?” spektaklidagi hamrohi bilan uchrasha boshladi.
Spektaklning premyerasi 27-sentyabr kuni bo‘lib o'tdi. Unda aktyorlar o‘z o‘tmishini tahlil qilayotgan, muhabbatlari tugaganmi yoki yo‘qligini aniqlashga urinayotgan oshiqlarni o‘ynaydi. “Sevgi tugashi mumkinmi?” spektakli turk teatri sahnasida katta muvaffaqiyat qozondi.
Evrim Alasi va Kerem Alishikning munosabatlarini paparatssilar ham tasdiqladi. Ular aeroportda qo‘l ushlashib Londonga dam olishga ketayotganlarida birga ko‘rishgan.
Murat Yildirim turmush o‘rtog‘ining tug‘ilgan kunini Kannda nishonladi
Kannda bo‘lib o‘tgan dunyoning eng nufuzli televizion ko‘rgazmasi MIPCOMda Murat Yildirim hamkasbi Ebru Shahin bilan birgalikda “Sirli bog‘” loyihasini taqdim etdi. Yildirim mazkur shaharda o‘zining turmush o‘rtog‘i Iman Elbanining tug‘ilgan kunini ham nishonladi. Iman Elbani o‘zining tavallud kunidan olingan suratlarni ijtimoiy tarmoqlarda bo‘lishdi.
Berguzar Korel ham Kannga tashrif buyurdi
Berguzar Korel ham Kannda bo‘lib, Mehmet Gyunsur bilan birgalikda ijro etgan “Ona shahrim Anqara” nomli yangi loyihasini taqdim etdi. Bu haqda aktrisa o‘zining Instagram’dagi sahifasida ma’lum qildi.
Neslihan Atagul tug‘ilajak farzandining UTT suratlari bilan bo‘lishdi
Yaqinda Italiyadagi teledasturda ona bo‘lishga tayyorlanayotganini tasdiqlagan Neslihan Atagul o‘g‘illi bo‘lishini ma’lum qilgan edi. Aktrisa tez-tez shifokorlar ko‘rigidan o‘tadi, unda Kadir Dogulu ham doim ishtirok etdi. Tekshiruv kunlarining birida olingan suratlarni baxtli er-xotin Instagram’da bo‘lishdi.
Izoh (0)