“Sevgi iztirobi” seriali yulduzi Neslihan Atagul va uning turmush o‘rtog‘i Kadir Dog‘ulu farzand kutayotganliklarini tasdiqlagandan so‘ng, muxlislarga yoqimli bo‘lmagan xabarni e’lon qildi.
Aktrisa “Ishg‘ol vaqtidagi muhabbat” nomli yangi serialda bosh qahramon Vera rolini ijro etishi va aktyor Kivanch Tatlitug‘ bilan juftlik obrazini gavdalantirishi kerak edi. Neslihan homiladorlik sababli ushbu loyihadagi rolidan voz kechishga majbur bo‘ldi. Ayni damda Ay Yapım prodyuserlik kompaniyasi uning o‘rniga boshqa aktrisani izlashni boshlagan.
“Ishg‘ol vaqtidagi muhabbat” seriali 1918-yilda bosib olingan Istanbuldagi Vera ismli turk qiz va mayor o‘rtasidagi sevgi tarixi haqida hikoya qiladi. Loyihani boshlash sanasi 2025-yilga mo‘ljallangan bo‘lib, serial NOW telekanalida efirga uzatiladi. Jamoa suratga olish ishlarini 2025-yilning yanvar oyida boshlashi rejalashtirilgan. Dizi muxlislari ushbu serialda bosh rol aktrisa Pinar Denizga berilishidan umid qilmoqda. Ammo ma’lumotlarga qaraganda, Deniz uzoq muddatga kino faoliyatidan tanaffus e’lon qilgan.
Neslihanning ashaddiy muxlislari bo‘lib o‘tgan voqeada Kadir Dog‘uluni ayblamoqda. Ularning fikricha, Kadir rafiqasining muvaffaqiyatli loyihalarda chiqmasligiga bor kuchi bilan urinmoqda. Albatta, bunday izohlar va tanqidlar haqiqatdan yiroqdir, chunki loyihada suratga tushish bo‘yicha shartnoma imzolash vaqtida Neslihan homiladorligini bilmagan. Endilikda Neslihan sakkiz yildan beri kutgan, yangi va eng muhim rol bo‘lgan onalikda o‘zini sinash vaqti keldi.
Izoh (0)