Burak O‘zchivit iste’dodli va maftunkor aktrisa Pelin Uluksar bilan yangi arabcha filmda hamkorlik qilishi rasman tasdiqlandi. Bu xabar Burak va Pelinning barcha muxlislari uchun kutilmagan yangilik bo‘ldi.
“Hukmdor Usmon” serialining 6-mavsumiga tayyorgarlik ko‘rayotgan O‘zchivit yangi filmda suratga tushish uchun shartnoma imzolagani haqida xabar bergan edik. “Mahmul Makful” nomli yangi filmga Dubaydan Vesam Kattan va Turkiyadan Tayfur Aydin prodyuserlik qilmoqda.
Film rejissyori Karim Abu Zayd bo‘lib, unda mashhur turk aktyori (Burak O‘zchivit) bilan uchrashish uchun Istanbulga sayohat qilishga kelgan dubaylik uch dugona haqida hikoya qilinadi. Ularning sevgan san’atkorlarini o‘g‘irlab ketish haqidagi hazilomuz gaplari kutilmaganda haqiqatga aylanadi va bir qator hayajonli voqealarga olib keladi. Mazkur loyihada O‘zchivit iste’dodli va maftunkor aktrisa Pelin Uluksar bilan juftlik rolini ijro etadi.
Pelin Uluksar — o‘ziga xos uslubga ega go‘zal va nafis aktrisa. U 1994-yil 25-sentyabrda Istanbulda tug‘ilgan. Pelin bolaligidan balet, qilichbozlik va vokal darslari bilan shug‘ullangan. Uluksar musiqa taʼlimini Istanbul Davlat konservatoriyasida olgan hamda Editepe universitetining teatr fakultetini tamomlagan. Aktrisa 2021-yilda “Qalbim eshigini qoq” serialida Puren rolini ijro etgan.
“Ammo Burak va Pelinning hamkorligidan O‘zchivitning rafiqasi Fahriye Evjen norozi bo‘lishi mumkin, chunki yulduz rafiqasining o‘ta rashkchi xarakterga ega ekani haqida doimo mish-mishlar yurgan. Shunga qaramay, badiiy hamkorlik ularning oilaviy hayotida keskinlikni keltirib chiqarmasligiga muxlislar ishonch bildira”, deyiladi manbada.
Izoh (0)