Afg‘onistonda “Tolibon” sportchilar bir-birining boshiga yoki yuziga urishi mumkin bo‘lgan sport turlarini taqiqladi.
Sport manbalari buyruq “Tolibon” rahbariyati tomonidan berilganini tasdiqlagan. Bu qaror faqat erkin kurashni taqiqlashga qaratilmagan. Sport manbalariga ko‘ra, mazkur buyruq barcha jang sport turlariga taalluqli bo‘lishi mumkin.
26-avgust kuni Kobulda turli jang san’atlarining ayrim vakillari va bir qator jismoniy tarbiya vakillari bu masalani muhokama qilishgan.
Biroq bu buyruq qandahorlik “Tolibon” rahbariyati tomonidan berilgan va bajariladi, deydi sport vakillari.
Hukm taxminan 15 sahifadan iboratligi va “Tolibon”ning jismoniy tarbiya bo‘limi hali uni federatsiyalarga yubormagani aytilmoqda. “Tolibon” sport mutasaddilari tez orada yig‘ilish o‘tkazib, bir qarorga kelishi hamda uni sport federatsiyalariga yuborishi kutilmoqda.
Yangi qarorga ko‘ra, raqibga (sportchiga) jarohat yetkazadigan va sportchining ko‘rligi, burni shikastlanishi yoki o‘limiga sabab bo‘lishi mumkin bo‘lgan sport turlari Islom shariati bo‘yicha taqiqlangan.
“Sportchi qasddan o‘zini o‘limga duchor qilgani uchun shariat nuqtai nazaridan bu sport turi qabul qilinishi mumkin emas”, deyiladi qarorda.
“Tolibon”ning Sport va jismoniy tarbiya departamenti avvalroq sport federatsiyalari va barcha sohadagi sportchilarning kiyimlariga cheklovlarni nazarda tutuvchi farmon chiqargan edi.
Afg‘onistondagi siyosiy voqealardan keyin ko‘plab sport klublari yopilgan va erkin kurash faoliyati uzoq vaqt to‘xtatilgan. Ammo muayyan harakatlarni taqiqlash bilan u asta-sekin kuchga kira boshlagan. “Afghanistan international” nashriga ko‘ra, “Tolibon” rahbariyatining jang san’atlarini taqiqlovchi yangi buyrug‘i hali rasman e’lon qilinmagan va qaysi jang san’atlari federatsiyalari yopilishi noma’lum.
“Hozirda taekvondo, karate, muay-tay, kikboksing, ushu, boks, erkin kurash, yakkakurashlar yo‘nalishlari bo‘yicha barcha sportchilar va sovrindorlar noaniq vaziyatda va barcha xavotirda”, deyiladi xabarda.
Ilgari, aksariyat sport mutaxassislari bunday buyruqlarga qarshi chiqib, hech kim sportning universal va qabul qilingan qoidalarini o‘z xohishiga ko‘ra o‘zgartira olmasligini ta’kidlagan edi.
Avvalroq “Tolibon” sportchilarni sport musobaqalarida quyidagilarga rioya qilishga majburlagan:
- belgilangan vaqtda namoz o‘qish; klublarda musiqa qo‘ymaslik; sport natijasi uchun pul tikish, qimor va til biriktirishdan saqlanish; jang san’atida bosh va yuzga urishdan saqlanish va shu kabilar.
Izoh (0)