Afg‘oniston namoz o‘qish bo‘yicha dunyoda birinchi o‘rinda ekani ma’lum qilindi

AQSHdagi Pew Research Center maʼlumotlariga ko‘ra, Afg‘oniston namoz o‘qish bo‘yicha dunyoda birinchi o‘rinda turadi. Bu haqda “Daryo”ning Afg‘onistondagi muxbiri xabar berdi.

Reytingda ikkinchi o‘rinni Nigeriya egalladi. Pew Research Center maʼlumotlariga ko‘ra, Afg‘onistonda namoz o‘qish darajasi 96 foizni, Nigeriyada esa 95 foizni tashkil qiladi.

Tadqiqot markazi reytingi bo‘yicha dunyoda eng ko‘p namoz o‘qiladigan mamlakatlar:

1. Afg‘oniston — 96 foiz;
2. Nigeriya — 95 foiz;
3. Jazoir — 88 foiz;
4. Senegal — 88 foiz;
5. Jibuti — 87 foiz;
6. Eron — 87 foiz;
7. Iroq — 87 foiz;
8. Niger — 87 foiz;
9. Indoneziya — 84 foiz.

Xitoy esa 1 foiz bilan eng kam ibodat qiluvchi davlat sifatida ro‘yxatning eng oxiridan joy olgan.