Afg‘onistonning “Tolibon” harakati axloq vazirligi ommaviy axborot vositalariga barcha tirik mavjudotlar tasvirini chop etishni taqiqlovchi qonunni amalga oshirishga va’da berdi.
Jurnalistlarning ta’kidlashicha, bu qoida bosqichma-bosqich amalga oshirilishi mumkin.
“Qonun butun Afg‘onistonga taalluqlidir va u bosqichma-bosqich odamlarni tirik mavjudotlarning tasvirlari islom qonunlariga zid ekanligiga ishontirish orqali amalga oshiriladi”, deydi AFP’ga Ezgulikni targ‘ib qilish va illatlarning oldini olish vazirligi vakili Sayful Islom Xayber.
Mazkur qonun OAV uchun bir qancha qoidalarni, xususan, barcha tirik mavjudotlar tasvirlarini chop etishni va nashrlarga islomni masxara qilish yoki kamsitishni taqiqlash, islom qonunlariga zid kelmaslikni buyurish kabilarni batafsil sanab o‘tgan.
“Yangi qonun bandlari haligacha qat’iy bajarilmagan va “Tolibon” rasmiylari ijtimoiy tarmoqlarda muntazam ravishda odamlarning suratlarini joylashtirishda davom etmoqda”, deyiladi xabarda.
1996-yildan 2001-yilgacha “Tolibon”ning avvalgi hukmronligi davrida butun mamlakat bo‘ylab televideniye va tirik mavjudotlar tasviri taqiqlangan edi, biroq ular hokimiyatga qaytganidan beri shunga o‘xshash farmon hozirgacha keng ko‘lamda joriy etilmagan.
Izoh (0)