Oliy Majlis Senati raisi Tanzila Norboyeva 25-oktyabr kuni Mustaqil Davlatlar Hamdo‘stligi Parlamentlararo assambleyasi delegatsiyasini qabul qildi. Bu haqda Senat matbuot xizmati xabar berdi.
Muloqot davomida O‘zbekiston Oliy Majlisining MDH davlatlari parlamentlari bilan o‘zaro hamkorligi va istiqboldagi rejalariga eʼtibor qaratildi.
Tomonlar davlatlar o‘rtasidagi yaqin qo‘shnichilik munosabatlari mustahkamlangani, barcha sohalardagi aloqalar yangi bosqichga ko‘tarilganini, bu esa mamlakat xalqlari farovonligi uchun juda muhim ekanligi taʼkidladi.
Ayniqsa, ushbu jarayonlarda parlamentlarning roli oshib borayotgani hamda O‘zbekistonning assambleya faoliyatidagi tashabbuskor pozitsiyasi alohida eʼtirof etildi.
Uchrashuv davomida kelgusida ham O‘zbekistonning MDH Parlamentlararo assambleyasi hamda unga aʼzo davlatlar bilan hamkorligini yanada kengaytirishga va yangi loyihalarni amalga oshirishga kelishib olindi.
Izoh (0)