Prezident Shavkat Mirziyoyev tadbirkorlar bilan ochiq muloqotda “O‘zbekistonda xizmat ko‘rsatgan tadbirkor” faxriy unvonini ta’sis etishni taklif qilgan edi.
Bugun, 28-avgust kuni Oliy Majlis Senatining ellik oltinchi yalpi majlisida “O‘zbekiston Respublikasining “O‘zbekiston Respublikasida xizmat ko‘rsatgan tadbirkor” faxriy unvonini ta’sis etish to‘g‘risida”gi qonunni ko‘rib chiqdi.
![](/static/2024/08/28/photo_2024-08-26_16-52-17-ya_da968.jpg)
Majlisda Senatning Budjet va iqtisodiy masalalari qo‘mitasi raisi Erkin Gadoyev “O‘zbekiston Respublikasida xizmat ko‘rsatgan tadbirkor” faxriy unvoni kimlar berilishi haqida ma’lumot berdi.
Biznesning yangi, yuqori daromadli yo‘nalishlarini yo‘lga qo‘ygan, sohaga innovatsiyalarni keng joriy qilish, zamonaviy ishlab chiqarish quvvatlarini barpo etish, eksport salohiyatini oshirish, xorijiy va mahalliy investitsiyalarni faol jalb qilish, yangi ish o‘rinlarini yaratish orqali mamlakat iqtisodiyotini rivojlantirish hamda aholi farovonligini yuksaltirishga munosib hissa qo‘shib kelayotgan, shuningdek, o‘z faoliyati davomida davlat organlari bilan o‘zaro hamkorlikni amalga oshirib, ijtimoiy loyihalardagi faolligi bilan boshqalarga namuna bo‘layotgan, biznes yuritishda katta tajribaga ega, ilg‘or va tashabbuskor tadbirkorlik subyektlari rahbarlari va ta’sischilariga berilishi nazarda tutilgan, dedi Erkin Gadoyev.
Qonunga ko‘ra “O‘zbekiston Respublikasida xizmat ko‘rsatgan tadbirkor” faxriy unvonini ta’sis etilishi munosabati bilan “O‘zbekiston Respublikasining faxriy unvonlarini ta’sis etish to‘g‘risida”gi va “Davlat mukofotlari to‘g‘risida”gi qonunlarga tegishli o‘zgartirish va qo‘shimchalar kiritilmoqda.
![](/static/2024/08/28/12-H2gcgAiG.jpg)
Senat raisi Tanzila Norboyevaning ta’kidlashicha, Hamma ijtimoiy-ma’naviy muhitimizni sog‘lomlashtirishga ham tadbirkorlik faoliyati juda ijobiy ta’sir ko‘rsatadi
Hamma his qilyaptiki, tadbirkorlikni rivojlantirish orqali juda ko‘plab aholini qiynab kelayotgan muammoli masalalar hal bo‘lishi mumkin ekan. Nafaqat iqtisodiy barqarorligimiz ta’minlanadi, balki ijtimoiy masalalar hal bo‘ladi. Ijtimoiy muammolarga yechim topiladi. Juda ko‘p gapirganimiz kambag‘allik masalasida ham mana sekin-sekin kambag‘allik darajasi tushib bormoqda. Ayniqsa, tadbirkorlikni rivojlantirish orqali erishilayotgan natijalar tufayli ishsizlik masalasi, migratsiya masalalari hal bo‘ladi, jinoyatchilik va hokazo, dedi senat raisi.
Muhokamadan so‘ng qonun ma’qullandi.
Izoh (0)