O‘zbekiston Oliy Majlis Senati raisi Tanzila Norboyeva 16-noyabr kuni Bishkek shahrida MDH ishtirokchi davlatlari Parlamentlararo assambleyasining navbatdagi yalpi majlisi doirasida Qozog‘iston Parlamenti Senati raisi Maulen Ashimbayev bilan uchrashdi.
Maulen Ashimbayev O‘zbekistonning Barqaror rivojlanish maqsadlariga erishishdagi yetakchiligini alohida taʼkidlagan.
“Mamlakatni barqaror rivojlantirish sohasidagi Milliy maqsadlar va vazifalarning 2030-yilgacha bo‘lgan davrda amalga oshirilishini nazorat qilish bo‘yicha Parlament komissiyasi faoliyatini yuqori baholadi. Qozog‘iston parlamentida ham xuddi shunday komissiya faoliyat boshlagani, mazkur yo‘nalishda O‘zbekistonning tajribasi muhimligini qayd etdi”, deyiladi senat axborotida.
Qo‘shimcha qilinishicha, ikki mamlakat parlamentlarining yuqori palata rahbarlari qo‘shma tashabbuslarni ilgari surish, o‘zaro qo‘llab-quvvatlash amaliyotini faol davom ettirishga kelishib olgan.
BMT Barqaror rivojlanish maqsadlarini O‘zbekistonda qanday qo‘llab-quvvatlamoqda?
BMT va uning O‘zbekistondagi sheriklari “Barqaror rivojlanish maqsadlari”ga erishish ustida ish olib bormoqda: ular O‘zbekiston va butun dunyo aholisi duch kelayotgan asosiy muammolarni hal etishga qaratilgan 17 ta o‘zaro bog‘liq va ulkan maqsaddan iborat.
O‘zbekiston 2030-yilgacha bo‘lgan davrdagi global kun tartibida qo‘yilgan vazifalarni bajarish va “Barqaror rivojlanish maqsadlari” sohasidagi 16 ta milliy maqsadga erishish uchun ko‘plab manfaatdor tomonlar ishtirokidagi sheriklikka keng qamrovli yondashuvga sodiq ekanini tasdiqlagan.
Barcha vazirliklarda BRM ustuvorligini ta‘minlash uchun 2018-yil oktyabrida hukumat 2030-yilgacha bo‘lgan davr uchun kun tartibini haqida qaror qabul qildi, ayni qaror BRMni milliy strategiyalar va dasturlar bilan muvofiqlashtirish ishiga sodiqlikni tasdiqladi. Hukumat 16 ta milliy BRM, 125 ta vazifa va 206 ta ko‘rsatkichni ularni amalga oshirishni yengillashtirish uchun ma‘qullagan.
Barqaror rivojlanish maqsadlari amalga oshirilishi bo‘yicha Parlament komissiyasi
O‘zbekiston barqaror rivojlantirish sohasidagi Milliy maqsadlar va vazifalarning 2030-yilgacha bo‘lgan davrda amalga oshirilishini nazorat qilish bo‘yicha Parlament komissiyasi tuzilgan. Bundagi asosiy maqsad – Milliy BRM va ularni amalga oshirish bo‘yicha “Yo‘l xaritasi”ning o‘z vaqtida va sifatli bajarilishini nazorat qilish, fuqarolar va davlat organlari, xo‘jalik boshqaruvi organlari hamda mamlakatning boshqa tashkilotlari o‘rtasidagi aloqalarni mustahkamlash, ushbu masala bo‘yicha parlament va jamoatchilik muhokamalarini tashkil etishga ko‘maklashishdir.
Joriy yilning noyabr oyida Oliy Majlis palatalari tomonidan Vazirlar Mahkamasi va xalqaro tashkilotlar bilan birgalikda mamlakatimiz tarixida ilk marotaba Barqaror rivojlanish maqsadlari oyligini o‘tkazish rejalashtirilgan.
Izoh (1)
ха тушунарли