Shavkat Mirziyoyev Tataristonning “Do‘stlik” ordeni bilan taqdirlanishi, Toshkent shahar hokimligi drenaj tizimini yaxshilash uchun 6 mlrd so‘m ajratishi, Navoiyda nogironligi bor shaxsga qamoq jazosi berilgani yuzasidan xizmat tekshiruvi tayinlanishi — “Daryo” nashri bugun, 24-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Shavkat Mirziyoyev Tataristonning “Do‘stlik” ordeni bilan taqdirlandi
Prezident Qozon shahriga tashrif doirasida Rustam Minnixanov bilan uchrashuv o‘tkazdi.
O‘zbekistonning Xorvatiyadagi birinchi elchisi tayinlandi
Ushbu lavozimni mart oyidan buyon mamlakatning Vengriyadagi elchisi lavozimida ishlab kelayotgan Oybek Shaxavdinov egalladi.
Navoiyda nogironligi bor shaxsga qamoq jazosi berilgani yuzasidan xizmat tekshiruvi tayinlandi
Fuqaro 188 prim 2-modda (voyaga yetmagan shaxsning ko‘ngil ochish (dam olish) joylarida tungi vaqtda bo‘lishiga yo‘l qo‘yish) va boshqa moddalar bilan aybli deb topilib, 15 sutka ma’muriy qamoq jazosi tayinlangan.
Andijon viloyatiga yangi prokuror tayinlandi
Ushbu lavozimni Bosh prokuratura boshqarmasida ishlab kelgan Murodullo Abduhakimov egalladi.
Xorijdagi mahkumlarni O‘zbekistonga qabul qilish tartibi takomillashtirilmoqda
Ozodlikdan mahrum etilgan shaxslarni ular jazo o‘tashini davom ettirish uchun, shuningdek, ruhiy kasallikka chalinganlarni majburiy davolash uchun berish, qabul qilish hamda rad etish asoslari belgilanmoqda.
Toshkent shahar hokimligi drenaj tizimini yaxshilash uchun 6 mlrd so‘m ajratdi
Avvalroq Shavkat Mirziyoyev poytaxtning drenaj tizimi ishiga qat’iy e’tiroz bildirib, kuchli yomg‘ir haqiqiy ahvolni ko‘rsatganini qayd etgan edi.
“Ular o‘zini katta og‘adek tutyapti” — Bobur Bekmurodov O‘zbekistonga tahdid qilgan ayrim rus siyosatchilari haqida
“Bu eskicha dunyoqarash”, deydi deputat “Daryo” muxbiri bilan suhbatda.
O‘zbekistonda daraxtlarni kesish va qasddan quritganlik uchun jarimalar oshirilmoqda
Senat bu ko‘zda tutilgan qonunni ko‘rib chiqib ma’qulladi.
“Tinch aholi, ayniqsa, bolalarning begunoh qurbon bo‘lishini hech qanday siyosiy maqsadlar oqlay olmaydi” — Shavkat Mirziyoyev
Prezident “BRIKS plyus” formatidagi sammitda so‘zlagan nutqida Yaqin Sharqdagi mojaroga to‘xtaldi.
“Jahon iqtisodiyoti va savdosining parchalanib borayotgani tengsizlik, texnologik uzilishlar va proteksionizmni kuchaytirmoqda” — O‘zbekiston prezidenti
O‘zbekiston BRIKS sunʼiy intellekt bo‘yicha Tadqiqot guruhining qo‘shma loyihalarida ishtirok etish niyatida ekanligi aytildi.
Xanoy shahrida 2025-yili O‘zbekiston — Vyetnam biznes forumi va sanoat ko‘rgazmasi o‘tkaziladi
Shavkat Mirziyoyev Vyetnam bosh vaziri Fam Min Tin bilan uchrashuv o‘tkazdi.
Toshkent metrosi saylov kuni o‘zi ishini 1 soat avval boshlaydi
Shu kuni yo‘nalishlarda poyezdlar harakati ish kunlari uchun tasdiqlangan doimiy jadval asosida tashkillashtiriladi.
Tashqi mehnat migratsiyasi agentligi faoliyati tugatilib, Migratsiya agentligi tashkil etildi
Prezidentning “Migratsiya jarayonlarini boshqarish tizimini isloh qilish bo‘yicha birinchi navbatdagi chora-tadbirlar to‘g‘risida”gi farmoni qabul qilindi.
Prezident bir guruh ichki ishlar organlari xodimlarini mukofotladi
Zokirjon Almatov “O‘zbekiston Respublikasida xizmat ko‘rsatgan yoshlar murabbiysi” faxriy unvoni bilan taqdirlandi.
Izoh (0)