Олий Мажлис Сенати раиси Танзила Норбоева 25 октябрь куни Мустақил Давлатлар Ҳамдўстлиги Парламентлараро ассамблеяси делегациясини қабул қилди. Бу ҳақда Сенат матбуот хизмати хабар берди.
Мулоқот давомида Ўзбекистон Олий Мажлисининг МДҲ давлатлари парламентлари билан ўзаро ҳамкорлиги ва истиқболдаги режаларига эътибор қаратилди.
Томонлар давлатлар ўртасидаги яқин қўшничилик муносабатлари мустаҳкамлангани, барча соҳалардаги алоқалар янги босқичга кўтарилганини, бу эса мамлакат халқлари фаровонлиги учун жуда муҳим эканлиги таъкидлади.
Айниқса, ушбу жараёнларда парламентларнинг роли ошиб бораётгани ҳамда Ўзбекистоннинг ассамблея фаолиятидаги ташаббускор позицияси алоҳида эътироф этилди.
Учрашув давомида келгусида ҳам Ўзбекистоннинг МДҲ Парламентлараро ассамблеяси ҳамда унга аъзо давлатлар билан ҳамкорлигини янада кенгайтиришга ва янги лойиҳаларни амалга оширишга келишиб олинди.
Изоҳ (0)