Oliy Majlis Senati raisi Tanzila Norboyeva AQSHning O‘zbekistondagi elchisi Jonatan Xenik bilan uchrashdi. Bu haqda Senat matbuot xizmati xabar berdi.
Muloqot davomida istiqbolda ham savdo-iqtisodiy hamkorlikni kengaytirish, ikki mamlakat ishbilarmonlari, ayniqsa, tadbirkor ayollar o‘rtasida doimiy aloqalarni yo‘lga quyish masalalari ko‘rib chiqildi.
Uchrashuvda mamlakatda aholining ijtimoiy himoyasi davlat siyosati darajasiga ko‘tarilgani, bu borada salmoqli ishlar olib borilayotgani eʼtirof etildi.
Shu bilan birga, O‘zbekistonda barqaror investitsiya muhitini yanada yaxshilash, Jahon savdo tashkilotiga aʼzo bo‘lish jarayonlari yuzasidan ham fikr almashildi.
Izoh (0)