2024 йилнинг январь—сентябрь ойларида жами 4,5 млн нафар ўзбекистонликлар туристик мақсадларда чет элга борган. Бу ҳақда Статистика агентлиги хабар берди.
Ушбу кўрсаткич 2023 йилнинг мос даври билан солиштирилганда 1,2 млн нафарга ёки 35,8 фоизга ошган.
2024 йилнинг январь—сентябрь ойларида туристик мақсадларда чет элга кетган Ўзбекистон фуқаролари мамлакатлар бўйича қуйидагича тақсимланган:
- Қирғизистон Республикаси – 2,1 млн нафар;
- Тожикистон – 895,1 минг нафар;
- Қозоғистон – 719,9 минг нафар;
- Россия – 222,9 минг нафар;
- Туркия – 180,9 минг нафар;
- Саудия Арабистони – 121,9 минг нафар;
- БАА – 90,3 минг нафар;
- Миср – 32,1 минг нафар;
- Кувайт – 20 минг нафар;
- Жанубий Корея – 17,5 минг нафар;
- Бошқа давлатлар – 128,2 минг нафар.
Аввалроқ Ўзбекистонга 2024 йилнинг январь—сентябрь ойларида жами 5,7 млн чет эл фуқароси туристик мақсадларда ташриф буюргани ҳақида хабар берилганди.
Изоҳ (0)