Sudanda bortida ruslar bo‘lgan yuk samolyoti urib tushirildi. Bu haqda Sudandagi Rossiya elchixonasiga tayanib “Meduza” xabar berdi.
Bu Il-76 yuk samolyoti bo‘lib, u BAAda joylashgan FZC Airline Transport Incorporation kompaniyasiga tegishli bo‘lgan.
“Sudan g‘arbida yuk tashuvchi samolyot urib tushirildi. Ekipaj tarkibida Rossiya fuqarolari bo‘lgan”, deyiladi elchixona xabarida.
Qayd etilishicha, barcha sa’y-harakatlar halokat sabablarini oydinlashtirishga qaratilgan. Samolyot jangovar zonada — Darfurda qulagan.
Samolyot BAAdan Chad respublikasiga muhandislik yordamini olib ketayotgan bo‘lgan. Sudan OAVning xabar berishicha, Tezkor harakat kuchlarining mahalliy harbiylashtirilgan guruhi uni xatolik tufayli urib tushirgan.
Halokat sodir bo‘lgan joyda FZC Aviatransport korporatsiyasining bosh muhandisi Viktor Granovga tegishli hujjatlar topilgan. U bilan boshqa rus hamkasblari ham bo‘lishi mumkinligi aytilmoqda.
Izoh (0)