Moskva shahrida 20-oktyabr kuni O‘zbekistonning to‘rt nafar fuqarosi hamyurtini zo‘rlaganlikda gumonlanmoqda. Bu haqda poytaxt tergov qo‘mitasi xabar berdi.
Rossiya Jinoyat kodeksining 131-moddasi 2-qismi “a” bandi (bir guruh shaxslar tomonidan zo‘rlash) alomatlari bo‘yicha jinoyat ishi tergov qilinmoqda. Tergov ma’lumotlariga ko‘ra, 20-oktyabr kuni tunda Krasnobogatirskoy ko‘chasi yaqinidagi bog‘da bo‘lgan to‘rt nafar O‘zbekiston fuqarosi hamyurt ayolga hujum qilgan.
Keyin uch nafar ayblanuvchi jabrlanuvchini zo‘rlagan, to‘rtinchi ayblanuvchi esa atrofdagi vaziyatni kuzatib, sheriklarning xavfsizligini ta’minlagan.
Jinoyatni sodir etishda gumon qilingan 4 nafar shaxs ushlanib, ularga nisbatan ayblov e’lon qilingan. Tergov Moskva shahar Preobrajenskiy tuman sudiga qamoqqa olish tarzidagi ehtiyot chorasini qo‘llash to‘g‘risida iltimosnoma kiritmoqchi.
Izoh (0)