Internetda Tu-154 samolyoti qulagan Qora dengiz hududida qidiruv ishlari qanday olib borilayotgani aks etgan video paydo bo‘ldi. “RBK”ning yozishicha, video “Dojd” telekanali tomonidan e’lon qilingan.
Videoda dengizda kemalar turgani, havoda kamida bitta vertolyot uchayotganini ko‘rish mumkin. Video dastlab “Blog Sochi” portalida e’lon qilingan. Video muallifi uni Adlerdan Sochiga poyezdda qatnash vaqtida olgan.
Boshqa videolar
Rossiya Mudofaa vazirligining Tu-154 samolyoti 25 dekabr tongida Sochida qayta yonilg‘i olganidan so‘ng, Qora dengizga quladi. Samolyot Moskva viloyatidan Suriyaga uchayotgan edi.
Samolyot bortida 92 kishi bo‘lgan. Yo‘lovchilarning aksariyati Aleksandrov nomidagi ashula va raqs ansambli a’zolari bo‘lgan. Bortda, shuningdek, to‘qqiz nafar jurnalist hamda shifokor va filantrop Yelizaveta Glinka (Doktor Liza) ham bo‘lgan.
Aviahalokat munosabati bilan Rossiya prezidenti Vladimir Putin Tu-154 qurbonlarining oila a’zolari va yaqinlariga hamdardlik bildirdi, shuningdek, 26-dekbarni Rossiyada umummilliy motam kuni deb e’lon qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)