23-avgustga o‘tar kechasi “Moskva Siti”dagi qurilishi bitmagan binoga dron kelib urildi. Moskva meri Sergey Sobyaninning so‘zlariga ko‘ra, binoga “qo‘shni ikkita besh qavatli uy oynalari singan”. Qurbonlar yo‘q, dedi u. Yetkazilgan zarar miqdori baholanmoqda.
Sobyaninning so‘zlariga ko‘ra, yana ikkita dron Moskvaga yaqinlashayotganda — Moskva viloyatining Mojaysk va Ximki tumanlarida urib tushirilgan. Kimki shahrida uchuvchisiz uchoq vayronalari shaxsiy uyga zarar yetkazgan: uyning tomi qisman qulagan, oynalari singan, shuningdek, do‘konlar joylashgan noturar joy binosiga zarar yetgan, deb xabar bermoqda “RIA Novosti” favqulodda xizmatlarga tayanib. Odamlar jabrlanmagan.
Rossiya Mudofaa vazirligi “Kiyev rejimining yana bir teraktga urinishi” to‘xtatilgani haqida xabar berdi. Vazirlik bayonotida aytilishicha, “Moskva Siti”dagi dron “elektron urish tizimi bilan bostirilgan” va nazoratdan chiqib ketib, qulagan. Moskva viloyatida ikkita dron havo havo hujumidan mudofaa tizimlari tomonidan yo‘q qilingan.
Dron hujumi tufayli Moskva havo uzelining aeroportlari reyslarni qabul qilish va jo‘natishni vaqtincha to‘xtatdi. Ikkita samolyot muqobil aerodromlarga yo‘naltirildi, deb yozadi “RBK” Federal havo transporti agentligiga tayanib.
So‘nggi bir necha hafta ichida Moskva va Moskva viloyati muntazam ravishda uchuvchisiz uchoqlar hujumiga uchradi. Xususan, 21—22-avgust kunlari Moskva viloyatida dronlar urib tushirildi, 18-avgustda esa Moskva shahri yaqinidagi noturar joy binosiga uchuvchisiz uchoq quladi.
Izoh (0)