AQSH va Yaponiya harbiy-havo kuchlari samolyotlari Okinava oroli yaqinida yirik mashg‘ulotlar o‘tkazdi. Bu haqda Amerikaning Tinch okeanidagi qo‘mondonligi ma’lum qildi.
Harbiy mashg‘ulotlarga 35 ta samolyot va bir vertolyot jalb qilingan. Xususan, Amerika tomoni Harbiy havo kuchlarining 8 ta beshinchi avlod F-22 qiruvchisi, 4 ta F-16 qiruvchisi va 3 ta KC-135 tankeri, 4 ta F/A-18 qiruvchisi va HH-60 harbiy-dengiz kuchlarining vertolyoti bilan ishtirok etdi. Yaponiya Havo mudofaa kuchlari esa to‘rtta F-15 qiruvchi samolyoti bilan mashg‘ulotlarda qatnashdi.
Qo‘mondonlik maʼlumotlariga ko‘ra, mashg‘ulotlar ikki tomonlama AQSH—Yaponiya harbiy imkoniyatlarini kuchaytirish va taktik ko‘nikmalarni oshirishga qaratilgan.
Avvalroq Xitoy va Rossiya sentyabr oxirigacha harbiy mashg‘ulotlar o‘tkazishi xabar berilgandi. Xitoy mudofaa vazirligiga ko‘ra, mashg‘ulotlarning maqsadi ikki mamlakat harbiylari o‘rtasidagi “strategik hamkorlikni chuqurlashtirish” va “xavfsizlikka tahdidlarga birgalikda qarshi kurashish” qobiliyatini mustahkamlashdan iborat.
Izoh (0)