“PSJ” hujumchisi Kilian Mbappe Fransiya klubini tark etib, “Real”ga o‘tishi haqida ma’lumotlar mavjud. Sky Sports xabariga ko‘ra, tomonlar besh yillik shartnoma imzolaydi.
Fransiyalik futbolchi “Real”da yiliga 15 million yevro oladi — bu uning Parijdagi maoshidan kamroq. Futbolchi shartnoma imzolagan paytda 150 million yevro miqdoridagi bonusga ega bo‘ladi. Mbappening transferi haqida iyun oyida e’lon qilinishi kutilmoqda.
Eslatib o‘tamiz:
- OAVda Mbappe “Real” bilan 2029-yilgacha mo‘ljallangan shartnoma imzolagani haqida ma’lumot paydo bo‘lgandi.
- “Real” prezidenti Florentino Peres Karlo Anchelotti boshchiligidagi murabbiylar shtabiga Mbappe “Real Madrid”ning yangi futbolchisiga aylanishi haqida xabar bergan.
Joriy mavsumda Mbappe “PSJ” safida barcha turnirlarda 47 ta o‘yin o‘tkazib, 44 ta gol va 10 ta golli uzatmani amalga oshirdi.
Transfermarkt internet portali ma’lumotlariga ko‘ra, Mbappening bozor qiymati 180 million yevroni tashkil qiladi.
Izoh (0)