“PSJ” hujumchisi Kilian Mbappe klubdan ketishi munosabati bilan Parij markazida 250 kishi uchun xayrlashuv marosimini tashkil qildi.
Taklif qilingan mehmonlar ro‘yxatida Fransiya prezidenti Emmanuel Makron ham bor edi, u futbolchi bilan bir necha bor uchrashuvlar o‘tkazgan. Tadbirda bo‘lgan jurnalistlar davlat rahbarini kutishgan, ammo u kechki ovqatda qatnashmagan. “PSJ” prezidenti Nosir al-Xelayfi ham taklif etilganlar ro‘yxatida bo‘lgan, ammo u ham kechki ovqatda ko‘rinish bermagan.
2024-yilning yozida 25 yoshli futbolchining Parij klubi bilan shartnomasi tugaydi va u erkin agent sifatida “Real”ga o‘tadi. Mbappe “qirollik klubi” bilan 5 yillik shartnoma imzolaydi. Hujumchi “Real”da yiliga 15 million yevro oladi — bu “PSJ”dagi maoshidan kamroq. Futbolchining transferi haqidagi rasman iyun oyida e’lon qilinishi kutilmoqda.
Avvalroq, OAVda Mbappe “Real” bilan 2029-yilgacha mo‘ljallangan shartnoma imzolagani haqida ma’lumot paydo bo‘lgandi. O‘z navbatida, klub prezidenti Florentino Peres Karlo Anchelottining murabbiylar shtabiga Mbappe “Real Madrid”ning yangi futbolchisiga aylanishi haqida xabar berdi.
- Joriy mavsumda Mbappe PSJ safida 47 ta o‘yinda maydonga tushib, 44 ta gol urdi va 10 ta golli uzatmani amalga oshirdi.
- Chempionat yakunlariga ko‘ra, hujumchi 27 ta gol va 7 ta golli uzatma bilan chempionat to‘purari deb topildi.
Izoh (0)