“PSJ” hujumchisi Kilian Mbappe parijliklarning kelasi mavsum uchun uy libosi taqdimotida ishtirok etmadi.
https://x.com/PSG_inside/status/1788826283759022318
“PSJ” matbuot xizmati X (sobiq Twitter) ijtimoiy tarmog‘ida e’lon qilgan videoda birinchi va ayollar jamoalarining ba’zi futbolchilari qatnashgan, biroq parijliklarning asosiy yulduzi ushbu fotosessiyada qatnashmadi.
Eslatib o‘tamiz, avvalroq OAV Mbappe “Real” bilan 2029-yilgacha mo‘ljallangan shartnoma imzolagani haqida xabar bergan edi.
Hujumchi jamoadoshlari va “PSJ” murabbiylar shtabiga joriy mavsum yakunida jamoani tark etishini aytgan. O‘z navbatida, “Los Blancos” prezidenti Florentino Peres Karlo Anchelottining murabbiylar shtabiga Mbappe “Real Madrid”ning yangi futbolchisiga aylanishi haqida xabar bergan.
Mbappe 2018-yildan beri “PSJ”da o‘ynab kelmoqda. Hujumchining klub bilan shartnomasi 2024-yilning yoziga qadar mo‘ljallangan. Ayni damda futbolchining transfer qiymati 180 million yevroga baholanmoqda.
Izoh (0)