MATCH PREMIER Rossiya Premyer Ligasi (RPL) 10-turining ramziy terma jamoasini tuzdi.
Ushbu jamoaga “Krasnodar”ning to‘rt nafar futbolchisi va “SSKA” klubining uch nafar futbolchisi kiritildi. Ular orasida O‘zbekiston milliy jamoasi yarim himoyachisi ham bor.
10-tur ramziy terma jamoasi:
Darvozabon: Stanislav Agkatsev (Krasnodar);
Himoyachilar: Sergey Petrov (“Krasnodar”), Roberto Fernandes (“Dinamo”, Moskva), Moises, Danil Krugovoy (ikkalasi ham “SSKA”).
Yarim himoyachilar: Ilya Samoshnikov (“Lokomotiv”), Eduard Spertsyan (“Krasnodar”), Abbosbek Fayzullayev (“SSKA”), Mumi Ngamale (“Dinamo”, Moskva).
Hujumchilar: Jon Kordoba (“Krasnodar”), Artyom Dzyuba (“Akron”).
O‘n turdan keyin “Krasnodar” 24 ochko bilan turnir jadvalida peshqadamlik qilmoqda, “Lokomotiv” ikkinchi (24 ochko), “Zenit” uchinchi o‘rinda (23) bormoqda.
Ma’lumot uchun, “SSKA“ so‘nggi turda “Axmat”ga qarshi to‘p surdi. Asosiy tarkibda maydonga tushgan o‘zbekistonlik futbolchi jamoasining birinchi to‘piga mualliflik qildi. Uchinchi to‘p urilishida ham uning xizmatlari katta bo‘ldi. Uchrashuvda moskvaliklar 3:0 hisobida g‘alaba qozondi.
Izoh (0)