“SSKA” sobiq futbolchisi Vladimir Ponomaryov Rossiya Premyer Ligasining 2023-yildagi eng yaxshi futbolchilarini sanab o‘tdi.
“Joriy mavsumda jamoalar judayam kuchli o‘yin namoyish etmayapti. Futbolchilarni ham individual tarzda ajratib ko‘rsatish qiyin. Menimcha, faqat “SSKA”dagi Abbosbek Fayzullayev hamda “Dinamo”dagi Konstantin Tyukavin qolganlardan ko‘ra yaxshiroq o‘yin namoyish etmoqda.
Faqatgina Fayzullayev to‘p bilan yuguryapti, dribling qilyapti. Boshqa hech kim buni maromiga yetkazib ijro etolmayapti. Tyukavin esa to‘p bilan juda yaxshi muomala qiladi”, — deydi Ponomaryov.
O‘zbekistonda 2023-yilning eng yaxshi futbolchisi deb topilgan Abbosbek Fayzullayev joriy mavsum RPLda 13 ta o‘yin o‘tkazib, 2 ta gol va 6 ta golli uzatmaga mualliflik qildi.
Izoh (0)