O‘zbekiston milliy terma jamoasi hamda “SSKA” klubi futbolchisi Abbosbek Fayzullayevning narxi 1 million yevroga qimmatladi. Transfermarkt portali ma’lumotlariga ko‘ra futbolchi hozirda 6 mln yevroga baholanmoqda. Uning avvalgi qiymati 5 mln yevro sifatida qayd etilgan edi.
Ushbu natija bilan futbolchi O‘zbekistonning eng qimmat futbolchi sifatida qayd etildi. Transfer huquqi “Roma”ga tegishli bo‘lgan Eldor Shomurodovning narxi 5 million yevroga baholangan va u hozirda o‘zbek futbolchilari ichida ikkinchi o‘rinda qayd etildi.
O‘zbekiston terma jamoasi hamda “Lans” himoyachisi Abduqodir Husanovning narxi ham ko‘tarildi. Futbolchining narxi 2,5 million yevroga yetgan. Bu uning avvalgi narxidan 500 mingga qimmatroq.
Husanov hozirda O‘zbekiston futbolchilari o‘rtasida eng qimmat to‘rtinchi futbolchiga aylandi. Turkiya klubida o‘ynayotgan Otabek Shukurovning narxi 2,5 million yevrodan 2,2 million yevroga kamaygan. Futbolchi qiymati bo‘yicha beshinchi o‘rinda bormoqda. “Shabob al-Ahli” futbolchisi Aziz G‘aniyev ham 500 ming yevroga arzonlagan. Portal futbolchini 3 million yevroga baholagan.
Jaloliddin Masharipovning qiymati 1,5 million yevroga baholangan bo‘lsa, Igor Sergeyev, Odiljon Hamrobekov va Husniddin Aliqulovlar 1,2 mln yevro sifatida qayd etilgan. O‘zbekistonning eng qimmat futbolchilar 10 ligini Oston O‘runov 1 mln yevrolik narx bilan yakunlab bergan.
- Ma’lumot uchun, Abbosbek Fayzulayev 2023-yil “SSKA” safiga 500 ming yevro evaziga ko‘chib o‘tgan edi.
- Abbosbek joriy mavsum “SSKA” tarkibida barcha musobaqalarda 32 ta o‘yin o‘tkazib, 5 ta gol va 14 ta golli uzatmaga mualliflik qildi.
- Futbolchi Rossiya Premyer Ligasida “Mavsum kashfiyoti” sovrini egasiga aylandi.
Izoh (0)