“Bavariya”ning sobiq hujumchisi Ivitsa Olich Myunxen klubi Abbosbek Fayzullayevga qiziqishiga munosabat bildirdi.
“Klubning Fayzullayevga qiziqayotgani borasida hech narsa bilmayman. Agar myunxenliklar rostdan ham unga qiziqayotgan bo‘lsa, bu Abbosbekning darajasi yuqoriligidan darak beradi. Ammo Fayzullayev bir nechta alohida o‘yinlarda va bir necha mavsum davomida o‘zini ko‘rsatishi kerak bo‘ladi. U yaxshi xislatlarga ega”, — Olichning so‘zlaridan iqtibos keltiradi Metaratings.
O‘zbekistonda 2023-yilning eng yaxshi futbolchisi deb topilgan Abbosbek Fayzullayev joriy mavsum RPLda 13 ta o‘yin o‘tkazib, 2 ta gol va 6 ta golli uzatmaga mualliflik qildi.
O‘zbekiston terma jamoasi bilan birgalikda Osiyo Kubogining chorak finaliga qadar yetib bordi.
Izoh (0)