Abbosbek Fayzullayev “SSKA”ning joriy mavsumdagi eng yaxshi assistenti va Premyer Ligada kuchli 5 talikka kirishga yaqin. Jamoada gol va paslar bo‘yicha undan faqatgina Fyodor Chalov yaxshiroq natijaga ega. Abbosbek bu natijaga 20 yoshida, RPLdagi ilk mavsumdayoq erishdi.
-hRKGiyj0.jpg)
Yanvar oyida u O‘zbekiston terma jamoasi bilan Osiyo Kubogining chorak finaliga chiqdi, aprel oyida esa O‘zbekiston Olimpiya terma jamoasi bilan Olimpiada o‘yinlariga yo‘llanma oldi. Aynan shu sabablar bilan u klub safida ba’zi uchrashuvlarda ishtirok etmadi.
Abbos Nijniy Novgorodda (2:6) ikkita golli uzatmani amalga oshirgandan bir kun o‘tib, Sport24 muxbiri Andrey Babich u bilan 10 daqiqa vaqt o‘tkazdi savollar berdi.
— Mart oyida siz va men yugurib gaplashib oldik. Nega asosiy tarkibda tushmayotganingiz haqida savolimga “bu savol —murabbiyga” deb javob berdingiz. Vaziyatni xotirjamlik bilan tushunib, hammasiga oydinlik kiritmoqchiman. O‘sha paytda doim zaxirada qolayotganingizga qanday munosabat bildirdingiz?
— Xotirjamlik bilan. Har qanday futbolchi zaxirada qolishni emas, balki ko‘proq futbol o‘ynashni xohlaydi, men ham bundan mustasno emasman. Men imkon qadar jamoaga yordam berishni xohlayman, ammo ba’zida shunday holatlar ham yuz beradi.
— Xavotir oldingizmi?
—Qaysidir holatda, ehtimol. Ammo o‘yin vaqtimni qaytarishlari bilanoq o‘zimga nisbatan ishonchim qaytdi.
— Nega mart oyida Fedotovning ishonchini yo'qotdingiz?
— Yig‘inning ko‘p qismini o‘tkazib yubordim. Qishda jamoa bilan ko‘p birga bo‘lmadim, murabbiy esa sekin-asta yana qo‘shilib ketishimni kutayotgandi. Bu darhol yuz bermadi.
— “SSKA” mavsumni qanday o‘tkazganini bir so‘z bilan ta’riflab bering.
— O‘rtacha. Afsuski, klub Rossiya kubogi superfinaliga chiqa olmadi. Mavsumni sovrin bilan yakunlashni xohlagandik. “Zenit”ga penaltilar seriyasida mag‘lub bo‘lganimiz xafa qiladi, lekin bu lotereya.
— Bu mavsum siz uchun qanday o‘tdi?
— Shaxsan men uchun juda yaxshi mavsum bo‘ldi. Men butun yil davomida o‘yinda ham jismonan, ham ruhiy jihatdan o‘sdim. Mavsumdan mavsumga yanada rivojlanishni istayman.
— Siz kuzda mavsumni top darajada o‘tkazdingiz, bahor boshidan maygacha sizda faqat 1+1 (gol+pas) bor. Buning sababi nima?
— “SSKA”ga endi o‘tgan paytimda, raqiblarim menga juda xotirjam munosabatda bo‘lishdi. Keyin o‘zimni ko‘rsatgach ular menga qarshi qattiqroq o‘ynab, menga kam bo‘sh hudud berishdi. Shuning uchun o‘yinda qiyinchilikka duch kela boshladim.
— Olimpiya o‘yinlariga yo‘llanma olganingizda o‘zingizni qanday his qilasiz?
— Bu har bir futbolchi uchun, ayniqsa, o‘zbek xalqi uchun katta quvonch. Biz birinchi marta Olimpiadaga yo‘llanma oldik. Bu bilan hamma haqli ravishda faxrlanadi. Ehtimol, faoliyatimdagi eng kuchli his-tuyg'ularni tuygandirman.
— Buni nimaga qiyoslash mumkin?
— 20 yoshgacha bo‘lgan futbolchilar o‘rtasidagi Osiyo chempionatidagi g‘alaba va yoshlar o‘rtasidagi jahon chempionatiga yo‘llanma bilan qiyoslasa bo‘ladi. O‘shanda ha, shunga o‘xshash kuchli his-tuyg'ularni boshdan kechirdim. Sovrinlar yutish — bu juda maroqli.
— Olimpiadaga yo‘llanmani qanday nishonladingiz?
— Biz avtobusda ham, kiyim almashtirish xonasida ham ko‘p raqsga tushdik va qo‘shiqlar aytdik aytdik.
— Spirtli ichimliklar?
— Yo‘q, nimalar deyapsiz! Bizda spirtli ichimliklarga nisbatan juda qattiqqo‘llik bilan qaraladi. Men hayotimda hech qachon spirtli ichimliklarni ichib ko‘rmaganman va bu rejamda ham yo‘q.
— Olimpiada o‘yinlari RPL mavsumiga to‘g‘ri keladi. “SSKA” bilan buni muhokama qildingizmi, jamoa sizni qo‘yib yuborishga tayyormi?
— Hali gaplashmadik. Hozircha men shunchaki dam olmoqchiman. Menda deyarli ta’til bo‘lmadi, juda charchadim.
— Rossiya terma jamoasi Osiyo Konfederatsiyasiga o‘tsa, xursand bo‘larmidingiz?
— Ha, albatta! Jahon chempionati saralashida yoki Osiyo kubogi o‘yinlarida Rossiya terma jamoasiga qarshi o‘ynash qiziq bo‘lardi. Ayniqsa, Vanya Oblyakov va Chalovga qarshi “jang qilish”dan xursand bo‘lardim. Menimcha, Rossiya Osiyoning eng kuchli jamoalaridan biri bo‘lardi.
— Moskvaga ko‘chib kelganingizda kundalik hayotda qanday qiyinchiliklarga duch keldingiz?
— Hech qanday qiyinchilik bo‘lmadi. Men faqat oilamni sog‘indim. Ammo Moskvaga ko‘chib o‘tishdan oldin ham men oilamdan uzoqda yashadim, shuning uchun bu narsaga odatlangandim. Bundan tashqari, Moskvada o‘zbek taomlarini taklif qiluvchi restoranlar va ko‘plab do‘stlarim bor. Qulaylikka ega bo‘lish uchun, aka-ukalarimni ham olib keldim.
— Oshxona haqida — Moskvada palov O‘zbekistonnikidan yomonmi?
— Yo‘q, bir xil. Tanishlarimiz choyxonada ajoyib qilib tayyorlashadi
— Nima haqida orzu qilasiz?
— Men terma jamoa bilan jahon chempionatiga chiqishni va “SSKA” bilan chempion bo‘lishni xohlayman. Yaxshi tayyorgarlik ko‘rsak va astoydil harakat qilsak, keyingi mavsumda Rossiya chempioni bo‘lish uchun barcha imkoniyatlarimiz bor.
Rossiya Premyer Ligasida “Mavsum kashfiyoti” sovrini uchun nomzodlarning yakuniy uchligiga kirdi. Mutaxassislarning fikricha, o‘zbekistonlik futbolchi ushbu sovrin uchun asosiy da’vogar hisoblanadi.
Izoh (0)