Futbol bo‘yicha Moskvaning “Lokomotiv” hamda “SSKA” jamoalari o‘rtasidagi Rossiya Premyer Ligasining 24-tur uchrashuvi yakuniga yetdi. Ushbu uchrashuvni Sergey Karasyov bosh hakam sifatida boshqarib bordi. Uchrashuv 3:3 hisobida jangovar durang bilan yakunlandi.
-dFd1DB-I.jpg)
44-daqiqada “Lokomotiv” hujumchisi Maksim Glushenkov maydon markazidan jarima maydonchasining o‘ng tomoniga ajoyib uzatmani amalga oshirdi, “Lokomotiv” himoyachisi Ilya Samoshnikov to‘pni qabul qilib oldi va “SSKA” darvozaboni Igor Akinfeyevni dog‘da qoldirib chiroyli gol yo‘lladi.
Uchrashuvning 53-daqiqasida “SSKA” hujumchisi Tamerlan Musayev gol muallifiga aylandi. Unga burchakdan to‘pni o‘zbekistonlik Abbosbek Fayzullayev yetkazib berdi. Uchrashuvning 56-daqiqasida “Lokomotiv” futbolchisi Maksim Glushenkov ikkinchi golni urdi. 66-daqiqada Maksim Glushenkovning uzatmasidan keyin “Lokomotiv” himoyachisi Lukas Fasson hisobni 3:1 holatiga olib keldi. Uchrashuvning 80-daqiqasida “SSKA” hujumchisi Anton Zabolotniy yarim himoyachi Abbosbek Fayzullaevning zarbasidan qaytgan to‘pni golga aylantirdi.
86-daqiqada “SSKA” jamoasi himoyachisi Ilya Agapovning zarbasidan keyin hisobni tenglashtirdi. Ushbu golning tashkil etilishida ham o‘zbekistonlik yarim himoyachi Abbosbek Fayzullayev ishtirok etdi.
Rossiya chempionatining 23-turidan so‘ng “Lokomotiv” 37 ochko jamg‘arib, beshinchi o‘rinda bormoqda. O‘z navbatida, “SSKA” ham 37 ochko jamg‘argan holda, to‘plar nisbatidagi ustunlik evaziga turnir jadvalida to‘rtinchi o‘rinni egallab turibdi.
Izoh (0)