МАTCH PREMIER Россия Премьер Лигаси (РПЛ) 10-турининг рамзий терма жамоасини тузди.
Ушбу жамоага “Краснодар”нинг тўрт нафар футболчиси ва “ЦСКА” клубининг уч нафар футболчиси киритилди. Улар орасида Ўзбекистон миллий жамоаси ярим ҳимоячиси ҳам бор.
10-тур рамзий терма жамоаси:
Дарвозабон: Станислав Агкацев (Краснодар);
Ҳимоячилар: Сергей Петров (“Краснодар”), Роберто Фернандес (“Динамо”, Москва), Моисес, Данил Круговой (иккаласи ҳам “ЦСКА”).
Ярим ҳимоячилар: Илья Самошников (“Локомотив”), Эдуард Сперцян (“Краснодар”), Аббосбек Файзуллаев (“ЦСКА”), Муми Нгамале (“Динамо”, Москва).
Ҳужумчилар: Жон Кордоба (“Краснодар”), Артём Дзюба (“Акрон”).
Ўн турдан кейин “Краснодар” 24 очко билан турнир жадвалида пешқадамлик қилмоқда, “Локомотив” иккинчи (24 очко), “Зенит” учинчи ўринда (23) бормоқда.
Маълумот учун, “ЦСКА“ сўнгги турда “Ахмат”га қарши тўп сурди. Асосий таркибда майдонга тушган ўзбекистонлик футболчи жамоасининг биринчи тўпига муаллифлик қилди. Учинчи тўп урилишида ҳам унинг хизматлари катта бўлди. Учрашувда москваликлар 3:0 ҳисобида ғалаба қозонди.
Изоҳ (0)