“SSKA” yarim himoyachisi Abbosbek Fayzullayev Match TV telekanali orqali jahon chempioni Lionel Messi bilan birga o‘ynashni xohlashini aytdi.
Yakshanba kuni Fayzullayev va darvozabon Vladimir Shayxutdinov Moskvada bo‘lib o‘tgan “SSKA” va “Zenit” o‘rtasidagi basketbol uchrashuviga tashrif buyurdi. O‘yinda “Vashington” klubi bilan Stenli kubogi g‘olibligini qo‘lga kiritgan Aleksandr Ovechkin ham ishtirok etdi.
Abbosbek Fayzullayev jurnalistlarning ba’zi savollariga javob berdi.
- Aleksandr Ovechkinni ko‘rganmisiz, uning kimligini bilasizmi?
- Ha, u afsonaviy xokkeychi, men uni bugun ko‘rdim.
— Ovechkinning orzusi bor — Maykl Jordan bilan suratga tushish. Sizda qanday orzu bor?
“Men Messi bilan birga o‘ynashni xohlardim”, — dedi Abbosbek Fayzullayev Match TV kanaliga bergan qisqa intervyusida.
Abbosbek Fayzullayev Rossiya Premyer Ligasining 28-turida “SSKA” klubi bilan “Zenit”ga qarshi bahs olib bordi. Chempionat yetakchisi mag‘lub etilgan o‘yinda (0:1) Abbosbek Fayzullayev kichik jarohat sabab 84-daqiqada zaxiraga olindi.
Izoh (0)