“Tolibon” harakatining standartlar boshqarmasi Afg‘onistonda daromadlar 15 barobar oshganini aytdi. Respublikada bir yil ichida erishilgan yutuqlar sanaldi. Bu haqda Sputnik xabar berdi.
Standarlar boshqarmasi bo‘lim boshlig‘i Fayzulla Tamimga ko‘ra, quyidagilar bo‘yicha ijobiy o‘zgarishlari qayd etilgan:
- daromadlar 15 barobar oshib, 25 million dollarga yetdi;
- 100 ming sisterna neft mahsulotlari sifati tekshirildi, ulardan 2 mingtasi qaytarildi (Afghanistan International tashkiloti o‘zining antieron kampaniyasi doirasida ular Eronga qaytarilganini yozadi).
- Islom-Qal’a nazorat-o‘tkazish punkti (Eron chegarasi), Hayraton, Kobul va Jalolobodda qurilish materiallarini sinovdan o‘tkazish laboratoriyalari ishlamoqda;
- Turli sohalarda 775 ta standartlar chop etildi.
“Tolibon” hokimiyat tepasiga kelgach, mamlakatda ayollar ta’limi bilan bog‘liq vaziyat yomonlashdi. Ularning oliy ta’lim muassasalida tahsil olishi cheklandi. Buning fonida Afg‘onistonda qizlar orasida o‘z joniga qasd qilish fikri oshdi. Dunyo hamjamiyati ayollarning ta’lim olishi ularning huquqi ekanini ta’kidladi. Bundan tashqari Afg‘onistonda quyidagi taqiqlar joriy qilingan:
- Afg‘onistonlik ayollarning BMT idoralarida ishlashi;
- erkaklarga ayollar uchun kiyim tikish;
- ayollarning erkak shifokorlarga borishi;
- ayollarning shifoxonaga yolg‘iz borishi va istirohat bog‘iga tashrif buyurishi;
- Afg‘onistonda oilalar va ayollarning bog‘lari yoki yashil hududlari bo‘lgan restoranlarga kirishi;
- ayollar ovozi eshitilgan reklamalarni efirga uzatish taqiqlangan.
Izoh (0)