“Толибон” ҳаракатининг стандартлар бошқармаси Афғонистонда даромадлар 15 баробар ошганини айтди. Республикада бир йил ичида эришилган ютуқлар саналди. Бу ҳақда Sputnik хабар берди.
Стандарлар бошқармаси бўлим бошлиғи Файзулла Тамимга кўра, қуйидагилар бўйича ижобий ўзгаришлари қайд этилган:
- даромадлар 15 баробар ошиб, 25 миллион долларга етди;
- 100 минг цистерна нефть маҳсулотлари сифати текширилди, улардан 2 мингтаси қайтарилди (Afghanistan International ташкилоти ўзининг антиэрон кампанияси доирасида улар Эронга қайтарилганини ёзади).
- Ислом-Қалъа назорат-ўтказиш пункти (Эрон чегараси), Ҳайратон, Кобул ва Жалолободда қурилиш материалларини синовдан ўтказиш лабораториялари ишламоқда;
- Турли соҳаларда 775 та стандартлар чоп этилди.
“Толибон” ҳокимият тепасига келгач, мамлакатда аёллар таълими билан боғлиқ вазият ёмонлашди. Уларнинг олий таълим муассасалида таҳсил олиши чекланди. Бунинг фонида Афғонистонда қизлар орасида ўз жонига қасд қилиш фикри ошди. Дунё ҳамжамияти аёлларнинг таълим олиши уларнинг ҳуқуқи эканини таъкидлади. Бундан ташқари Афғонистонда қуйидаги тақиқлар жорий қилинган:
- Афғонистонлик аёлларнинг БМТ идораларида ишлаши;
- эркакларга аёллар учун кийим тикиш;
- аёлларнинг эркак шифокорларга бориши;
- аёлларнинг шифохонага ёлғиз бориши ва истироҳат боғига ташриф буюриши;
- Афғонистонда оилалар ва аёлларнинг боғлари ёки яшил ҳудудлари бўлган ресторанларга кириши;
- аёллар овози эшитилган рекламаларни эфирга узатиш тақиқланган.
Изоҳ (0)