1-iyun Xalqaro bolalarni himoya qilish kunida farzandlaringiz bilan tabiat qo‘ynida piknik tashkil qiling. Mazali yegulik va ichimliklar iste’mol qilishdan tashqari birga vaqt kechirish bolangiz xotirasida qolishi aniq.
“Nachinka”li kartoshka
Kerakli mahsulotlar:
- kartoshka — 8 dona;
- pishloq — 300 g;
- mol go‘shti — 200 g;
- pomidor — 2 dona;
- qisqichbaqa tayoqchalari — 1 ta qadoq;
- mayonez — 3 osh qoshiq;
- tuz, murch.
- Mol go‘shti, pomidorni “kubik” shaklida to‘g‘rang, mayonez qo‘shib aralashtiring.
- Qaynatilgan kartoshkalarni o‘rtasidan bo‘ling.
- Ichini mayonezni aralashma bilan to‘ldiring
- Ustidan qirg‘ichdan chiqarilgan pishloq seping.
- 10 daqiqaga pechga qo‘ying.
Kerakli mahsulotlar:
- tovuq filesi — 2-3 dona;
- cherri pomidorlari — 300 g;
- bulg‘ori qalampiri — 1 dona;
- kefir yoki qatiq — 500 ml;
- mineral suv — 200 ml;
- tuz.
- To‘rtburchak shaklda to‘g‘ralgan tovuq filesiga ziravorlar, kefir va mineral suv quying.
- Yog‘och sixlarni suvga ivitib qo‘ying.
- File, pomidor va bulg‘ori qalampirini sixga tortib, 8-10 daqiqa davomida qo‘rida yoki grilda pishirib oling.
- Istalgan sous bilan qo‘shib dasturxonga tortsangiz bo‘ladi.
Kerakli mahsulotlar:
- un — 1-2 stakan;
- shakar — 1 osh qoshiq;
- razrixlitel yoki sirka bilan aralashtirilgan ichimlik sodasi — yarim choy qoshiq;
- sut — 1 stakan;
- tuxum — 1 dona;
- sariyog‘.
- Unga, razrixlitel va shakar solib aralashtiring.
- Tuxum va sut qo‘shing.
- Aralashmani bir uchi teshilgan paketga soling.
- Sariyog‘ surtilgan tovaga paketning teshik qismidan aralashmani soling.
- Har ikkala tomonini pishirib oling.
- Ustini meva va smetana bilan bezang.
Kerakli mahsulotlar:
- mevalar (shaftoli, banan, nok) — 500 g:
- marshmellou — 200 g;
- shokolad — 100 g.
- Mevalarni o‘rtasidan, shokoladni bo‘laklarga bo‘ling.
- Folgani bir necha qatlam qilib taxlab, undan to‘g‘ri to‘rtburchak formalar yasab oling.
- Ichiga mevalar, marshmellou va shokolad soling.
- Chetlarini buklab 10 daqiqa pishirib oling.
Kerakli mahsulotlar:
- qulupnay — 1 kg;
- limon — 2 dona;
- yalpiz — 1 bog‘;
- shakar kukuni.
- Limonni siqib sharbatini ajrating.
- Maydalangan qulupnayni blenderda pyure holiga keltiring.
- Qulupnayli pyurega, yalpiz, limon sharbati va shakar qo‘shib aralashtiring.
- Plastik butilkaga solingan ichimlikni muzlatkichga qo‘ying.
Mavzuga doir:
Izoh (0)