Mazasi ajoyib tovuqli halqachalar tayyorlaymiz

Ushbu noodatiy taom ko‘rinishidan shirinlikka o‘xshaydi, ammo u bugungi kunda barchaning sevimli yeguligidir.

Kerakli mahsulotlar:

• kartoshka – 1 dona;
• piyoz – 1/2 dona;
• ko‘k piyoz – 2-3 dona;
• sarimsoq – 3-4 bo‘lak;
• tovuq filesi – 250 gramm;
• quritilgan non – 100 gramm, 4 osh qoshiq;
• o‘simlik yog‘i – 700 ml;
• tuxum – 2 ta;
• un – 100 gramm;
• tuz va ziravorlar.

1. Kartoshka qaynatib olinadi va katta-katta to‘g‘raladi.
2. Piyoz va ko‘k piyoz mayda to‘g‘raladi.
3. Sarimsoq maydalanadi, tovuq filesi to‘rtburchak shaklda bo‘laklarga bo‘linadi.
4. Barcha mahsulotlar va 4 osh qoshiq quritilgan non blenderga solinib, bir xil massa holiga keltiriladi.
5. Ta’bga ko‘ra tuz va ziravorlar qo‘shiladi.
6. Massa qandolat qopiga solinib, halqa shakli beriladi. 1 soatga muzlatkichga qo‘yiladi.
7. O‘simlik moyi tovada qizdiriladi. Tuxumni alohida idishga chaqib, sanchqi bilan aralashtiriladi.
8. Tovuqli halqachalar unga, tuxumga va quritilgan nonga botiriladi.
9. So‘ngra qizdirilgan yog‘da ikki tomoni qizarguncha pishirib olinadi.