Nozik ta’mni qadrlovchilar uchun ajoyib chizkeyk retsepti

Mazkur retsept bilan tayyorlangan chizkeyk nozik ta’mi bilan sizga manzur bo‘ladi. Shakli buzilmasligi uchun yaxshisi uni chashkada tayyorlagan ma’qul.

Kerakli mahsulotlar:

• smetana — 150 g;
• tvorogli pishloq —150 + 50 g;
• tuxum — 1 ta;
• shakar — 75 + 50g;
• qaymoq (35%) — 50 + 50 g;
• zarang shirasi — 1 choy qoshiq;
• maydalangan shokolad — 1 choy qoshiq.

1. Idishga qaymoqni solib, unga smetana qo‘shing.
2. So‘ngra shakar (75 g), tvorogli pishloq (150 g) va tuxum soling.
3. Barcha mahsulotlarni mikserlang.
4. Massaga zarang shirasini ham qo‘shib aralashtiring.
5. Aralashmani chashkaga solib, 140 daraja qizdirilgan pechga 20 daqiqaga qo‘ying.
6. Kremi uchun: tvorogli pishloq qo‘shilgan qaymoqqa shakar solib, oppoq bo‘lguncha ko‘pirtiring.
7. Kremni qandolat qopchasiga solib, sovigan chizkeyk ustini bezang.
8. Jarayon so‘ngida chizkeyk yuzasiga maydalangan shokolad seping.