Saharlikka kun bo‘yi energiya bilan ta’minlaydigan loviya sho‘rva tayyorlang

Ushbu sho‘rva yengil hazm bo‘ladi, vitaminlarga boy va mazaliligi bilan o‘ziga xosdir.

Uni tayyorlash uchun bizga quyidagi mahsulotlar kerak bo‘ladi:

• Qiymali aralashma (qiymalagichdan chiqarilgan go‘shtga piyoz, tuz va ziravorlar qo‘shilgan) – 240 gr
• Loviya (konservalangani bo‘lsa yana yaxshi) – 800 gr
• Guruch – 150 gr
• O‘simlik yog‘i – 1 osh qoshiq
• Suv – 4 stakan
• Ko‘katlar
• Tuz va ziravorlar

1. Qozonga o‘simlik yog‘i solib qizdiring.
2. Qiymali aralashmani soling va uni jigarrang bo‘lgunicha taxminan 5 daqiqa qovuring.
3. Loviya va guruch soling, ustida suv quyib qaynating.
4. Qaynab chiqqanidan keyin olovni pasaytirib, qozon qopqog‘ini yoping, taom past olovda miltillab qaynasin.
5. Tayyor bo‘lgan taom ustini bir qoshiq mayonezga aralashtirilgan ko‘katlar bilan bezang.