Iftorlikka tuxum va ko‘katli “pirojki” pishiring

Iftorlikka noodatiy yegulik pishirmoqchi bo‘lsangiz, ushbu retsept aynan siz uchun.

Buning uchun quyidagi mahsulotlar kerak bo‘ladi:

• Un — 3 piyola
• Xamirturush — 7 gr
• Shakar — 1 qoshiq
• Tuz — 1 choy qoshiq
• Iliq suv — 300 ml
• O‘simlik yog‘i — 2 osh qoshiq

• Tuxum (suvda pishirilgan) 6 dona
• Ko‘k piyoz — 200 gr
• Sariyog‘ — 3-4 qo‘shiq
• Tuz va murch — ta’bga qarab

1. Opara tayyorlab oling: idishga xamirturush, shakar, un (taxminan 5 osh qoshiq) va iliq suv soling va aralashtiring, idish ustini yoping va iliq joyda 20-30 daqiqa tindiring.
2. Oparaga 2 qoshiq o‘simlik yog‘i, tuz va unning qolgan qismini elakdan o‘tkazib qo‘shing.
3. Xamirni 10 daqiqa davomida mushtlab, pishiting.
4. Xamirni yopishib qolmasligi uchun yog‘ surtilgan idishga soling va 1 soat tinishini kuting.
5. “Nachinka” tayyorlang: mayda to‘g‘ralgan ko‘k piyoz, sariyog‘, tuz va murch qo‘shib aralashtiring
6. Aralashmaga “kubik” qilib to‘g‘ralgan tuxumni qo‘shing.
7. Tingan xamirni olib bir xil kattalikdagi taxminan 20 ta dumaloq sharchalar yasang.
8. Sharchalar ustini “salfetka” bilan yopib 5-10 daqiqa kuting.
9. Sharchalar ichini “nachinka” bilan to‘ldiring va qizigan o‘simlik yog‘ida qovuring.
10. Pishganidan so‘ng ortiqcha yog‘ bo‘lmasligi uchun qog‘oz “salfetka” ustiga qo‘ying