Iftorlik uchun ajoyib shokoladli shirinlik pishiring

Shirinliksevar oila a’zolaringiz uchun o‘z qo‘lingiz bilan “brauni” tayyorlang. “Brauni” – Amerikadan kirib kelgan yumshoq va nam pirog bo‘lib, shokoladni sevuvchilarga juda ham yoqishi aniq.

Buning uchun quyidagi mahsulotlar kerak bo‘ladi:

• Sariyog‘ yoki margarin — 80 gr
• Tuxum 2 dona
• Un — 80 gr
• Shakar — 80 gr
• Kakao kukuni — 2 choy qoshiq
• “Razrixlitel” — 1 choy qoshiq
• Tuz — bir chimdim

• Sut — 400 ml
• Manniy yormasi — 2 osh qoshiq
• Kakos qirindisi — 200 gr
• Sariyog‘ — 100 gr
• Shakar — 80 gr
• Vanilin — 10 gr

• Shokolad — 150 gr
• Sut — 40-80 ml

Tayyorlanish jarayoni:

1. Qoshiq yordamida sariyog‘, shakar, tuz, tuxumni qo‘shib 3-4 daqiqa aralashtiring.
2. Elaklangan unga, kakao, “razrixlitel” qo‘shib aralashtiring.
3. Aralashmani tagida qandolatchilik qog‘ozi qo‘yilgan qolip ichiga soling va 12—15 daqiqaga pechga qo‘ying.
4. Sutni iliting, manniy yormasi qo‘shib birinchi pufaklar paydo bo‘lgunicha qaynating.
5. Shakar, vanillin, sariyog‘ va kakos qirindisini qo‘shib aralashtiring va pechdan olingan asos ustiga surting.
6. Sutni iliting va shokolad qo‘shing. Sut qancha ko‘p bo‘lsa, glazur shuncha yumshoq bo‘ladi.
7. Shirinlik ustini glazur bilan qoplang.
8. Shirinlikni xona haroratida sovuting keyin bo‘lsa, bir yarim soatga muzlatkichga qo‘ying.