Saharlikka yengil hazm bo‘ladigan quymoqli salat retsepti

Har kuni nima pishirishni bilmay boshi qotgan uy bekalari uchun o‘ziga xos salat retseptini havola qilamiz.

Salat uchun quyidagi mahsulotlar kerak bo‘ladi:

• Tovuq filesi — 500 gr
• Tuxum — 5 dona
• Piyoz — 1 dona
• Mayonez — ta’bga qarab
• Ko‘katlar
• Tuz, murch — ta’bga qarab
• Bulg‘or qalampiri 1 dona
• O‘simlik yog‘i

1. Tovuq filesini qaynatib oling, pishganidan so‘ng sovuting va to‘g‘rang.
2. Piyozni mayda “kubik” qilib to‘g‘rang va sirka qo‘shing.
3. Tuxumni idishga chaqib tuz qo‘shing, yaxshilab aralashtiring va o‘simlik yog‘iga solib ikki tarafini ham qovuring.
4. Pishgan quymoqni somoncha shaklida to‘g‘rang.
5. Bulg‘or qalampirini ham somoncha shaklida to‘g‘rang.
6. Mahsulotlarni bir idishga solib, mayonez, ko‘kat va tuz qo‘shib yaxshilab aralashtiring.