Ифторликка тухум ва кўкатли «пирожки» пиширинг

Ифторликка ноодатий егулик пиширмоқчи бўлсангиз, ушбу рецепт айнан сиз учун.

Бунинг учун қуйидаги маҳсулотлар керак бўлади:

• Ун — 3 пиёла
• Хамиртуруш — 7 гр
• Шакар — 1 қошиқ
• Туз — 1 чой қошиқ
• Илиқ сув — 300 мл
• Ўсимлик ёғи — 2 ош қошиқ

• Тухум (сувда пиширилган) 6 дона
• Кўк пиёз — 200 гр
• Сариёғ — 3-4 қўшиқ
• Туз ва мурч — таъбга қараб

1. Опара тайёрлаб олинг: идишга хамиртуруш, шакар, ун (тахминан 5 ош қошиқ) ва илиқ сув солинг ва аралаштиринг, идиш устини ёпинг ва илиқ жойда 20-30 дақиқа тиндиринг.
2. Опарага 2 қошиқ ўсимлик ёғи, туз ва уннинг қолган қисмини элакдан ўтказиб қўшинг.
3. Хамирни 10 дақиқа давомида муштлаб, пишитинг.
4. Хамирни ёпишиб қолмаслиги учун ёғ суртилган идишга солинг ва 1 соат тинишини кутинг.
5. «Начинка» тайёрланг: майда тўғралган кўк пиёз, сариёғ, туз ва мурч қўшиб аралаштиринг
6. Аралашмага «кубик» қилиб тўғралган тухумни қўшинг.
7. Тинган хамирни олиб бир хил катталикдаги тахминан 20 та думалоқ шарчалар ясанг.
8. Шарчалар устини «салфетка» билан ёпиб 5-10 дақиқа кутинг.
9. Шарчалар ичини «начинка» билан тўлдиринг ва қизиган ўсимлик ёғида қовуринг.
10. Пишганидан сўнг ортиқча ёғ бўлмаслиги учун қоғоз «салфетка» устига қўйинг