BMT bosh kotibining Yaman bo‘yicha maxsus vakili Jamol Benomar iste’foga chiqmoqchi ekanligini ma’lum qildi, deb yozadi “Gazeta.ru”.
The New York Times gazetasiga bergan intervyusida Benomar o‘z niyatini BMT bosh kotibi Pan Gi Munga oshkor qilganini aytdi.
O‘z navbatida, Pan Gi Munning matbuot kotibi Stefan Dyujarrik izoh berishdan bosh tortdi.
26-mart kuni Saudiya Arabistoni Yamanning yarmini egallab olgan isyonchi-xusiylarga qarshi harbiy operatsiyani boshlagan edi. Saudiya Arabistoni va yana bir qator arab mamlakatlarining aviatsiyasi isyonchilarning marralarini bombardimon qilmoqda.
14-aprel kuni BMT Xavfsizlik Kengashi Yamandagi isyonchilarga qurol yetkazib berishni taqiqlovchi rezolyutsiya loyihasini ma’qulladi.
Izoh (0)