Rossiya va Qirg‘iziston 500 million dollar kapitaliga ega Taraqqiyot fondini tuzish haqida bitim imzoladi, deya xabar bermoqda “TASS” Qirg‘iziston prezidenti matbuot xizmatiga tayanib.
Dastlabki 100 million dollar 2014-yil 31-dekabrgacha, qolgan 400 million dollar esa 2016-yil 29-maygacha kelib tushadi. Bundan tashqari, Rossiya tomoni Xalqaro taraqqiyot assotsiatsiyasi shartlari asosida va Qirg‘iziston hukumati kafolatisiz fondga 500 million dollar miqdorida yuqori imtiyozli qarzni jalb etish majburiyatini oladi.
Qirg‘iziston-Rossiya Taraqqiyot fondi 2014-yil mayida Ostonada imzolangan Yevrosiyo iqtisodiy integratsiyasi shartlari ostida iqtisodiy hamkorlikni rivojlantirish haqidagi hukumatlararo shartnomani amalga oshirish maqsadida tuzilmoqda.
Izoh (0)