AQShning Kaliforniya shtati San-Xose shahrida yashovchi Joui Chestnat kurka go‘shti yeyish bo‘yicha tanlovda g‘olib chiqdi, deb yozadi Associated Press. Konnektikutda o‘tgan musobaqada erkak 4,2 kilogrammlik go‘shtni o‘n daqiqada yeb tugatdi.
Kurka go‘shtini yeyish bo‘yicha tanlov Major League Eating (professional pazandalik tanlovlarining barchasi ustidan nazorat olib boradigan xalqaro tashkilot) ekspertlari kuzatuvi ostida o‘tkazildi.
Ular Chestnat yangi jahon rekordi o‘rnatganini tasdiqladi. Avvalgi rekordchi — Sonya Tomas 2011-yilda o‘n daqiqa ichida bor-yo‘g‘i 2,4 kilogramm go‘sht yeyishga muvaffaq bo‘lgan.
Tanlovda g‘olib chiqqani uchun mukofot sifatida Chestnatga besh ming dollar taqdim etildi.
Izoh (0)