AQSh yadro kuchlari rahbarining sobiq o‘rinbosari poker uchun qalbaki soqqalardan foydalandi

2013-yilda o‘z lavozimidan bo‘shatilgan AQSh yadro kuchlari rahbarining sobiq o‘rinbosari vitse-admiral Tim Giardina kazinoda poker uchun mo‘ljallangan qalbaki soqqalardan foydalanganlikda gumon qilinmoqda. Bu haqda Associated Press’ga tayanib, “Gazeta.ru” xabar berdi.

Tergov ma’lumotlariga ko‘ra, u bir dollarlik soqqalarni 50 dollarlikka aylantirgan va ularni kazinoda ishlatgan.

Ayni paytda Giardina qimor o‘yinlarini noqonuniy ravishda o‘tkazganlik haqidagi ish bo‘yicha tergovda turibdi. Uni Ayova shtatidagi kazinolardan birida firibgarlik harakatlarini amalga oshirishda gumon qilishmoqda.