O‘zbekiston Superligasining 19-turi doirasidagi “Xorazm” hamda “Qizilqum” jamoalari o‘rtasidagi uchrashuv yakunlandi. Qiziqarli va keskin kurash ostida o‘tgan bahsda navoiyliklar safarda 1:0 hisobida g‘alaba qozonishdi.
Uchrashuvdagi yagona gol 10-daqiqada kiritildi. Roman Papariganing uzatmasidan so‘ng Shahzod Rahmatullayev raqib darvozasini ishg‘ol qildi.
O‘yinning qolgan daqiqalari ham murosasiz o‘tdi. “Xorazm” bir qancha xavfli hujumlar uyushtirdi, biroq “Qizilqum” darvozaboni Sanjar Quvvatov ajoyib seyvlari evaziga darvozasi dahlsizligini saqlab qoldi.
Mazkur hisob o‘yin oxirigacha saqlanib qoldi va navoiyliklar muhim uch ochkoni qo‘lga kiritdi. Ushbu g‘alabadan so‘ng “Qizilqum” 25 ochko bilan turnir jadvalida 8-o‘rinni egallab turibdi. 19 ochkoga ega “Xorazm” esa 12-pog‘onaga joylashgan.
O‘zbekiston Superligasi
19-tur
18-avgust, dushanba
“Xorazm” — “Qizilqum” 0:1
Gol: 0:1 — Rahmatullayev (10)
Izoh (0)