Россия ва Қирғизистон 500 миллион доллар капиталига эга Тараққиёт фондини тузиш ҳақида битим имзолади, дея хабар бермоқда ТАСС Қирғизистон президенти матбуот хизматига таяниб.
Дастлабки 100 миллион доллар 2014 йил 31 декабргача, қолган 400 миллион доллар эса 2016 йил 29 майгача келиб тушади. Бундан ташқари, Россия томони Халқаро тараққиёт ассоциацияси шартлари асосида ва Қирғизистон ҳукумати кафолатисиз фондга 500 миллион доллар миқдорида юқори имтиёзли қарзни жалб этиш мажбуриятини олади.
Қирғизистон-Россия Тараққиёт фонди 2014 йил майида Остонада имзоланган Евросиё иқтисодий интеграцияси шартлари остида иқтисодий ҳамкорликни ривожлантириш ҳақидаги ҳукуматлараро шартномани амалга ошириш мақсадида тузилмоқда.
Изоҳ (0)